SUKUNG KE TEGAP NGAGAI PERINTAH MAI MAYUH PEMANSANG NGAGAI NANGA PEK
RUMAH PANJAI NANGA PEK tu keterubah dientak sebedau perang dunia kedua suba. Taja nadai haribulan ke nyemetak, rumah panjai asal sida bisi 14 pintu sereta digaga ngena kayu tebelian nyengkaum atap perabung ke digaga ari kayu teras.
Dalam taun 2012 sida belabuh berumah baru 24 pintu lalu langkar rumah digaga ari seratus peratus konkrit sereta beringkat.
Rumah panjai baru sida tembu dalam taun 2014, ngujung ke pemindah sida kena 5hb Julai 2014 nyentuk ke 31hb Ogos 2014.
Dianggarka 160 iku peranak menua tu, lalu mayuh sida iya gawa perintah, kompeni, sereta gawa diri empu ba mengeri serata Sarawak.
Ari penyampau nya lebih kurang 30 iku ke endang mendam, nguan rumah, 70 peratus ari nya sida nya udah lunggar umur ti rata-rata pengawa bekebun.
Peranak dimenua tu mega sama bela ngasai bantu ari perintah enggau projek-projek ari ADUN baka:
1. Tapak Rumah Panjai baru udah udah digaga nengah Projek Mit Menua Pesisir (MRP) sepanyampau RM150,00.00;
2. Bantu bebelika kereban berumah rumah baru baka jubin lantai;
3. Bantu perengka guna baka kipas siling (2 unit setiap pintu), tangki jamban (seunit setiap pintu);
4. Projek jalai semin ari mua enggau belakang rumah;
5. Projek nyemin parit belakang rumah; sereta
6. Projek ngaga tekat pengadang tanah runtuh (gabion wall).
Kredit info: Tr Unjie Anak Guang, Nanga Pek