JAKU SEMA “udah makai, pulai” tu suah dikena laban ngenang penusah bala temuai maia ke deka pulai ari menua Banting, di Sri Aman ketegalka Sungai Klauh langkang maia ai surut lalu pedis ditengah perau maia nya.
Diatu enti kitai ngena perau ari pasar Lingga ke Banting, deka ngambi lebih kurang empat-puluh lima minit ke sejam.
Enda lama agi, jaku sema “udah makai, pulai” tu nyau enda relevan agi enggau penembu projek ngaga jalai ari Bukit Balau ke Banting sereta enggau ngaga jematan konkrit sepemanjai 91 meter, ti meraka Sungai Klauh.
Enggau penembu projek tu ila, bala temuai pan enda ibuh beguai pulai agi lebuh ke nemuai ngagai genturung rumah panjai Banting, laban sida ulih mansang tauka pulai ni maia jam sida ka.
Jalai tu mega ulih muka mayuh peluang sosioekonomi ngagai rayat di Banting, sereta bala ke bempu tanah sepemanjai jalai nya.
TABI PUJI ngagai rayat dedin ke udah nyukung sereta nerima pengawa pemansang ke dibai perintah ngagai sida ba kandang menua nya.
TERIMA KASIH mega ngagai upis JKR Sarawak sereta kuntrektor ke udah ngemendarka bala kami tama ngagai taba, palan projek tu sereta meri penerang ke silik bekaul projek tu kemari.
Nitih ke penerang sereta ripot naka 25hb Julai 2023, ‘physical progress’ projek ngaga jalai ari Bukit Balau ke Banting tu ianya 43.1 peratus (42.20% Schedule). Tau dikumbai ahead of schedule.
TERIMA KASIH mega patut diberi ngagai perintah laban udah setuju sereta ulih ngaga jalai ke udah lama dipinta rayat menua Banting.
Kepenudi ya, sama-sama mih nyaga pengelikun maia nengah jalai tu ila. Cheers!
+++
TERIMA KASIH ngagai:
Rayat rumah panjai Banting
Rayat Daerah Kecil Lingga
JKR Negeri Sarawak
JKR Bahagian Sri Aman
Welfield Services Sdn Bhd
Penerbai Dron: Mohd Zulkarnain Mat