Gambar diambi ba kebun Sungai Kara di Ulu Krian
L-R: Chuat ak Rembuyan, Unya ak Chunggat, Chu ak Chundie, Upam ak Subing (ari Dasei), Sendi ak Doo, Lantong ak .., Chundie ak Chunggat, Chunggat ak Doo.
Note: Chu ak Chundie, tauka Inik Uban tu mih indu ke tau nakar, tau engkebang. Pua kumbu Kediri rintai ba belakang sida nya ditenun iya empu.
Cherita Penumboh Menoa Ulu Krian
Beserambau enggau taun ti keterubah Rajah James Brooke merintah menoa Sarawak dalam taun 1841, Doo ak Kantan, siko tuai Iban ke datai ari Paku, Saribas, mai bala iya pindah ngiga menoa ke baru serta lantang endor ngidup ke diri.
Doo ak Kantan ngiring bala iya pindah ari menoa ke di kumbai Nanga Tiang, ari ulu Samu di Batang Paku. Sida Doo maia nya bumai ba menoa ke di kumbai Temawai Tampak Panas, seberai Rumah Begat di Penom, Paku ke diatu.
Bala anembiak Doo ak Kantan semina diau di Temawai Tampak Panas pengelama tujuh taun aja, ari taun 1841-1848.
Pindah ari Temawai Tampak Panas, Doo lalu mai bala iya ngulu Sungai Paku, melunggang ke Bukit Medang serta terengkah di menoa Ulu Krian. Bala Doo terubah datai di menoa Ulu Krian dalam taun 1848 lalu ngentak ka rumah panjai sida ba Lubok Menoa.
Berapa taun udah lepas nya, rumah sida pan nyu ga udah jaik, lalu sida Doo pan lalu angkat pindah ari nya. Sida iya pindah, berumah panjai baru ba endor ke dikumbai Temawai Nyatu.
Angkat ari Temawai Nyatu, sida niri ka rumah baru ba kandang endor ke dikumbai Temawai Sungai Jawah, enda jauh ari Rumah Jawi, Nanga Awas, kediatu. Maia sida Doo ke diau di Temawai Sungai Jawah tu mih iya mati. Udah Doo ke mati, iya diganti anak iya ke benama Chunggat ak Doo, nyadi Tuai Rumah dalam taun 1888.
Ketegal laban perengka ramu ti dikena berumah dulu menya enda baka ke kemaia hari tu, dia deh rumah enda tentu tegap serta jampat endar jaik. Maia nya, sida Chunggat semina ngena kayu ke enda tan serta beratap ka daun kenulang, daun senggang enggau daun kering. Maia tu, bala kitai Iban di Ulu Krian apin bisi betanam ke mulong, ke tau dikena nyadika atap rumah. Maia tu mega, buluh perin dikena ngaga gelegar serta bedinding ke kulit kayu. Ketegal ke rumah jampat jaik, Tuai Rumah Chunggat suah bendar mai anembiak iya berumah baru.
Angkat sida Chunggat ari Temawai Sungai Jawah, sida iya pindah lalu berumah baru ba endor ke dikumbai Temawai Raong.
Ari Temawai Raong, Chunggat mai bala anembiak iya pindah serta berumah baru ba endor ke dikumbai Temawai Emperan. Udah berapa taun udah lepas kediau ba Temawai Emperan, Chunggat lalu mai anembiak iya ngaga rumah panjai ke tegap agi serta ngena kayu tras (tebelian). Enggau aum serta ati ke sama setuju, dia deh sida Chunggat serumah lalu belaboh ngentak ka rumah baru sida dalam taun 1930 ba endor rumah panjai Ulu Krian ke diatu, lalu rumah panjai nya bedau mengkang bediri nyentok ka searitu.
Tuai Rumah
Doo ak Kantan mati dalam taun 1888 lalu diganti anak iya – Chunggat. Chunggat ak Doo, serta ninggal ka dunya tu dalam taun 1948. Iya diganti anak lelaki iya empu, Chundie ak Chungat, nyadi tuai rumah ari taun 1948-1967.
Tuai Rumah Chundie ak Chunggat mati dalam taun 1967 lalu diganti anak menyadi iya empu, iya nya, Jamit ak Unya. Unya tu menyadi Chundie, sama-sama anak Chunggat ak Doo.
Jamit ak Unya nyadi tuai rumah ari taun 1967-1995. Iya mati dalam taun 1995 lalu diganti anak iya Subing ak Jamit @ Langan. Subing nyadi tuai rumah nyentok kesaritu.
Nitih ke pengingat orang ke tuai lalu ditampong nyentok ke saritu, bansa Iban udah ngentap ka diri ba menoa Ulu Krian ari taun 1848 datai ke saritu, iya nya lebih ari 160 taun ke udah.
Tusut penatai
Doo ak Kantan (Engkerebai) x Chu ak Chundie (Matup) – Chunggat, Sendi, Rambok
Sendi x Chuat ak Rembuyan – Chulo (diiru) anak Itut ari Penom, Paku
Chulo x Andun (Dasei) – Ja, Tom
Ja x Enggom (Awik) – Chunggat, Sudau, Limau, Jering, Renyam, Chuat, Gading, Chararing
Gading x James – John Kamar, Charles Gana, Cherl Empenai
Tusut ari Kumpai, Krian
Tarang x Dingu – Insin, Tujuh (Ulu Teru, Baram), Ngadan (nurun ka Bayang, Mallang, Bakong), Edah
Insin (Kumpai, Krian) x Rembuyan (Nanga Ulai, Rimbas) – Chuat
Chuat x Sendi – Chulo (diiru) anak Itut ari Penom, Paku
Chulo x Andun (Dasei) – Ja, Tom
Ja x Enggom (Awik) – Chunggat, Sudau, Limau, Jering, Renyam, Chuat, Gading, Chararing
Gading x James – John Kamar, Charles Gana, Cherl Empenai
Tusut ari Dasei, Budu
Sanggu x Gading – Jawai, Jana, Andun, Empenai, Dayang, Denggom
Andun x Chulo – Ja, Tom
Ja x Enggom (Awik) – Chunggat, Sudau, Limau, Jering, Renyam, Chuat, Gading, Chararing
Gading x James – John Kamar, Charles Gana, Cherl Empenai
Empenai x Keling (Nanga Kau) – Beketan, Ringgit, Munggai, Jelumie
Munggai x Guang – James, Augustine, Roland, Wilhelminia
James x Gading – John Kamar, Charles Gana, Cheryl Empenai
Pulau Ulu Kalas
Penatai bala Doo ak Kantan dimenoa Ulu Krian ending celap, nadai bebunoh, nadai bemunsoh laban menoa Ulu Krian maia nya kelia sigi ending agi puang nadai di wan mensia, serta nadai mega orang ngempu ka menoa.
Nya alai udah terenak ngentap kadiri dimenoa nya, dia deh Doo lalu mai semua bala anembiak redak iya sama-sama berimba betebas babas repa, berumpang aging bebuai batang awak ka bisi endor bumai ngaga sempalai.
Semua pengawa ending dikereja sama-sama. Udah tembu betebas enggau betebang ka kayu, nya baru Tuai mai bala anembiak iya bebagi ka tanah umai ungkup sepintu, nitih ka ripih diri sebilik, diri sekaban ke semak kaul – laban enggai ke mali umai bejenguk enggau diri sekaban, nitih adat bansa Iban.
Udah tembu pengawa umai, tanah pan lalu belaboh diklai orang ke empu jeramik. Bisi sekeda nanam kayu buah, bentara ka genting, sungai, lebak – lalu nyu ke lama hari mensia nyu nemu nanam getah dikena ngingat ka temuda bali rimba diri empu, enggai ka saru lalu tau pulai ka penyarut ngagai orang rebak dudi.
Kelimpah ari endor bukai ba kandang menuo Ulu Krian ke endor bumai bekebun, Ulu Kalas, iya nya menoa ke ending udah disetuju ka orang dulu menya, lebih 100 taun ke udah, endang enda tau diperimba. Menoa Ulu Kalas tu digaga nyadi pulau galau – awak ke bisi endor beramu, beban perau. Lalu nyentok kediatu, orang Ulu Krian suah ngambi kayu medang skrang ke tuat lada ba endor nya. Lalu nambah ke nya, Ulu Kalas endang enda tau ditubai tanah darat, awak ke bisi endor jelu idup serta enggau burung mega. Tu sempekat orang ke tuai dulu menya.
Doo ak Kantan, maia keterubah datai di Ulu Krian, endang enda ngasoh ngerusak rampa menoa asal Ulu Kalas awak ke bisi ka pengidup anembiak redak iya ka serak dudi. Runding ke bakanya endang mengkang ditampung orang Ulu Krian nyentok kediatu.
Leboh Tuai Rumah Doo ninggal ka dunya tu dalam taun 1888, serta kena masa pengawa enggau penemu iya, niang Doo dikuburka ba Pulau Ulu Kalas.
Dalam taun 1948, leboh Chunggat ak Doo mati, menoa ai Sungai Kalas, ari nanga nyentok ka entigis pan di ulitka mega dalam kandang enam bulan. Dalam kandang tempoh nya, nadai siko orang tau ngasu, berikan tauka ngereja macam pengawa ba kandang menoa Kalas.
Pulau Ulu Kalas endang udah ditetapka enggau jako sempekat tuai rumah Ulu Krian ti kedua, iya nya niang Chunggat ak Doo, awak ka nyadi lambing enggau pesaka menoa Ulu Krian. Jako sempekat tu endang semampai dikingatka ari turun siti ngagai turun siti nyentok kediatu.
Kandang menoa ari rumah panjai siti siti endang lama udah begaris bisi antara, lalu Pulau Ulu Kalas mega endang dalam kandang pemakai menoa Ulu Krian. Nya alai, sapa orang ari rumah panjai bukai tauka ari ai bukai, enti ditemu ngasu, berikan, ngambi rutan, ngambi buah tauka ngereja pengawa bukai endang tetao salah, enti nadai pinta, nadai tanya ari orang Ulu Krian, ke empu menoa.
September 24th, 2009 at 4:00 pm
[...] Ulu Krian Pioneers [...]
November 12th, 2009 at 10:20 am
To the person requesting a copy of the DVD…where are you located in Borneo..? I will be in Kuching for the month of Dec…through early January… and if I can get a copy I could bring one for you.
I arrange tours to Borneo ..look at my website! you can contact me through the website http://www.junglejaunts.com
November 12th, 2009 at 12:31 pm
Hi, I am located in Borneo. My exact location is Miri, Sarawak. I will be in Kuching right after Christmas, and, look forward to meet you, too.
September 15th, 2010 at 9:06 am
pandai amat nuan betusut diatu unggal. ulih refer agai nuan dudi ari ila. tusut aku agi lah.
bye….
October 29th, 2009 at 3:24 am
James, what year was this photo taken?
October 30th, 2009 at 2:41 pm
Vernon, based on human memory, it was taken in the 1930′s at Sg. Kara, Ulu Krian.
October 29th, 2009 at 6:45 pm
i saw someones boob pooping out? awang hadi wouldnt like this
November 9th, 2009 at 4:43 pm
James, I’m collecting copies of old photographs which show pua kumbu being used in their natural and cultural context. I would love to use this photo, with your permission and courtesy. Do you have more photos?
November 12th, 2009 at 1:29 pm
Rindu macha cherita nuan ditu James, nya baru aku nemu nuan tu menyadi sida Chunggat (classmate aku ba St. Peter’s Saratok 1975). Amat munyi ko nuan nya laban aku bisi sebulan aku diau ba menua kita nya menya lalu Kampung Ulu Kalas nya kala aku enggau sida Langan nebas ke tahun nya.
Kami nemuai kia bedarat melunggang Bukit Medang ari Meroh lalu nepan bas ari Saratok. 1981 baru aku ngasai ke merau nemuai kia. Apai nuan bekelala bendar enggau kami sebilik lalu aya nuan niang Tom pan baka nya mega.
November 12th, 2009 at 1:35 pm
Ipar sida Chunggat by marriage but cousin by tusut. Inik Empenai ke ngada ke indai aku enggau inik Andun ke ngada ke entua indu aku nya, diri menyadi.
March 20th, 2010 at 1:53 am
Rindu ninga cerita menoa kita ulu krian..arap ulih mantai mayoh agik cerita kelia….taja aku agik biak tang aku minat cerita lama..lama nda ninga cerita bakanya lebih agik aku diatu jauh(pahang)kerja askar
March 30th, 2010 at 8:42 pm
ngarap ulih mantai mayoh agik cerita ari ulu krian tu….aku ari ng batang krian saratok…
May 7th, 2010 at 8:28 pm
Amat panjai rintai tusut kitai ari ulu krian.Maioh mega nama dia d angat ke bala ari lubok krukoh.
September 19th, 2010 at 7:06 pm
ini baru postingan berkualitas namanya
November 9th, 2010 at 9:26 pm
manah mat cerita nn menyadi..ulih ga aku nemu ni penatai aku..
November 10th, 2010 at 10:09 am
Anang enda nemuai ngagai kami di ulu din, enti bisi pulai ka Ng. Awas.
November 13th, 2010 at 1:14 am
Au,pia mega kita anang rawan ati niki ke langkau org bujang lebuh ka mansa..pulai kulu kin..:)
November 15th, 2010 at 10:41 pm
hahahaaa… nang selalu ngetu dia maia ke bisi pulai.
December 1st, 2010 at 2:11 am
manah amat cerita nuan ungal…ngelala magang aku orang ke disebut nuan ba tusut nya…laban maioh nama sida nya begulai netap engau kami serumah di BILA DUA NANGA GERENJANG (TR.ENDAWIE) lalu engau bala serumah di seberai (TR. JAGA). aku ari NANGA GERENJANG BILA DUA …
December 1st, 2010 at 1:59 pm
Nemuai mih ngagai kami di ulu din.
September 28th, 2011 at 5:47 pm
dini menua kta y?
December 6th, 2010 at 4:48 pm
kmi tu ari mnoa kumpai meh…ari bala cda tarang….. gi ka maca… nda ulih smbung kah crta cda tarang tu???
December 11th, 2011 at 9:44 pm
Informative post. Thanks for sharing.
December 13th, 2011 at 5:42 pm
Anchong, it was these facts that make us won our legal battle against encroachment of our NCR land by timber companies.