Where are the boys?

Star, 21 Sept. 2006

And, below is an extract of an email I received from the longhouse mate.

1. Baka pemanjai rumah kami dia iya bisi 30 pintu lalu enda jauh ari kami dia bisi agi siti rumah, ba pun jalai nya bisi 40 pintu.

2. Baka ba anembiak primary school kami serumah nya enda aku nemu pemaioh iya. 50 iko nya engka lebih pelaba aku, laban orang ditu rindu agi nganjung anak sekula di pasar.

3. Nembiak secondary school maioh ga suba tang diatu maioh udah badu sekula. Nama kebuah lagi aku cerita pasal pemansang sekula kami ambi nuan nemu ngaga kertas kerja nuan.

4. Ka temu aku diatu benong belajar ba University kami serumah ka 2 iko aja, siko ba UNITAR, enggau siku ba UITM Shah Alam Selangor.

Ok diatu aku ka nusoi pemansang sekula kami seudah tahun 2004.

Ba dalam tahun 2004 tu kemari, dia kami belaboh numbuh komiti rumah panjai kami iya ka dikumbai kami JKKK Sungai Buri Ili lalau dipengerusi ka Tuai Rumah Kami empu iya nya Tuai Rumah Ree lalu aku nyadi Setiausaha. Dia ba rumah panjai kami diatu udah bisi Misi, Visi, Logo ,Bendera,Lagu ke diri empu lalu udah di penyadi ke ADUN kami ba menoa kami diatu ianya YB Sylvester Entri Muran.

Ba semua pengawa ari raban komitti nyantuk ke misi, lagu enggau  utai bukai ka udah digaga aku endang bisi nyangkut timang pemangsang sekula magang. Ari nya kami udah bisi siti ka megai pengawa sekula kami iya nya dikumbai kami BIRO PENDIDIKAN dipetuai ka Cikgu Peter Tom, diatu iya ngajar di Beluru Bakong.

Ka sepengudah kami bisi komitti pendidikan ka ngemata pemansang sekula kami, kami udah bisi ngaga pengawa baka meri perais ngena mata duit tau ka Anugerah pelajar cermelang ba UPSR, SPM/SPMV, STPM baka ka dua tahun tu ka udah.Orang ka layak ka di beri kami ari fund rumah panjai nya endang nembiak ari rumah panjai kami iya ka bersekula dini-dini endur. Pia mega enti lebuh sebedau maia baum ketuai biro pendidikan kami mega bisi nyebut seleka dua nama tuju tau ka kepentingan pemansang sekula ba tiap iko kitai. Lalu mega baka gawai tu kemari sebedau ngirup ai pengayu ketuai biro pendidikan kami mega  bisi nyebut pengawa bersekula tu mega.

Tang walaupun kami udah maioh ngaga usaha baka tu,dia aku meda nembiak rumah panjai kami ditu ta majak enggai besekula lalau maioh agi ka badu. Aku pun enda nemu nama hal kini, mungkin pengawa aku ka ngelama tu tak enda ngasoh orang bersekula kini.

Ari ka diperati ka aku ngelama tu, serta betanya ngagai pengetua sekula ba SMK Luar Bandar Miri, dia sida iya madah ngagai aku dua buah rumah panjai kami dia maioh ngaga hal lalu maioh badu sekula. Lalu pengetua dia madah ka aku, kebuah sida iya badu iya nya

1. Enda betah lalu selalu pulai
2. Nakal tau mancal
3. Berkempulan

Ari tanya aku ngagai apai indai nembiak ba rumah panjai kami, amat jako sida endang kering ka ngasoh anak sida iya sekula. Tang ari segi tindakan gaya sida peda aku tak mina bejako aja. Nama kebuah aku ngasoh sida iya nanya ngagai sekula endur anak sida iya sekula, nama masalah anak sida iya tang sida iya engai. Kebuah iya tau ka alasan sida iya.

1. Nadai duit, tang ke pasar peda aku tak tiap minggu apai indai iya.
2. Enggai kiroh dua tiga kali betemu enggau cikgu. Laban malu, rugi belanja, rugi masa kerja.
3. Arap ka jako anak, orang nganu orang disalah ka.
4. Kelalu ngasi ka anak, sampai ka main games, lalu utai enda tentu guna ka di beli kena merindang anak.
5. Enti bisi maia rami diumba bai nginsap, di ajar bejudi, ngirup ai bisa enggau bala raban bukai, ba rumah panjai tang apai indai enda ngambi kisah.
6. Anak sekeda peda aku nadai hormat ngagai apai indai tau ka orang tuai laban di asi ari mit lalu tepengaruh enggau anak orang bukai ka udah badu sekula.

Lalu ka dipeda aku baka penyadi anembiak sekula ka badu bersekula ba rumah panjai kami.
    
1. Ka kerja berkuli enggau cina enda ga lama laban enda nakal umur agi biak
2. Minta kerja belah pasar Miri tang cina bedau ka nerima laban di bawah umur
3. Ngaga masalah sosial ba rumah panjai
4. Selalau ngacau rumah sekula, ngencuri manok orang, enggau orang bejudi, ngirup cap apek tau ka pelayar emas leboh nadai pengawa.
5. Mempengaruhi orang bukai ka agi sekula ngambi badu sekula.

Mungkin maioh agi utai bukai mungkin enda ulih disebut ditu.

So ari ka dicerita aku ka di atas, aku arap nuan ulih mantu aku nerang ka kepentingan pengawa sekula ba rumah panjai kami. ambi menoa kami ila ulih nitih ka pemansang sekula rumah bukai. Pia mega aku arap bala kita ulih nulung aku ngadu ke pengawa tu, laban enti enda diadu ari diatu dia kitai iban kelebih agi ke dirumah panjai alu tinggal2 setinggal ari pemansang sekula.

My fellow readers and Dayaks, this are some of the sources of our educational problem. What is your respond?

7 thoughts on “Where are the boys?”

  1. Sad really. We can push the younger and next generations to follow a set course in their studies, however this would involve a lot of persuasion. Either way, we cannot say Pom 5 udah chukop, because blatantly, it is not enough.

    On the other hand, if we can reduce and somewhat maintain a new ratio of High School leavers (STPM) and Graduates to 40%, then I suppose that would be ideal. Either way, these days the young are not interested in Kuching, Miri or Brunei, the bright lights of Kuala Lumpur, Singapore and abroad beckon. I would advise the young to aim for the STPM at the very least.

  2. I can relate to the problems laban if those kids read my true journey ba blogosphere..I am one of those living proofs to all the above-mentioned ‘hinderances’ to good schooling habits. My take is that..enti meratika penanggul as a whole..peratika ari atas ke baruh..laban enti kitai meratika nembiak aja..literally the blame is one them..been there done that. Parenting..parenting tu a major player ba education siku siku nembiak. As an outsider, with regard to the first three..I would personally go beyond ‘selalu deka pulai enda betah’ why? How do we reverse being homesick to schoolsick..from sick of school to sick of home and stay in school..pengeliat ati tu ukai genetic but learned. Machal? why? Nama kebuah manchal deh? what to do with nembiak sekula ti manchal? This is also learned, not genetic tang how do we instill formula of success ba nembiak ti manchal deh..if there is one. Do we challenge them via ??? bakani ku tua nyuruh/ngajar nembiak ngalihka pemanchal to something meaningful? UK, see if I am wrong!!! semilan kali ari sepuluh..nembiak ti manchal tu suah enda di kerinduka pengajar lalu ditejuka bakanya aja laban pemedis ngajar serta ngalihka nembiak manchal to be good,law abiding citizen although they have the brain to succeed. Manchal enggau nakal should not be an excuse not to succeed..it should be the more manchal the student, the higher the rate of expected success be! Pengajar enggau apai indai and society in general jarang view it this way! The devils’ age group(14-17) enti enda jaga, manchal or imun, tau nyuruh begaru pala. How involve is the parents and the teachers??? Some teachers are just as figures to collect paychecks at the end of the month!! Some parents aren’t motivated enough. In schooling, the kids always get the bad rap..get the blame..penemu aku, look beyond the kid’s shoulder. Something triggered them to be the way they are.
    Hmmmm UK, I’ll do it in my blog in the very near future..it’s coming kaban.

    Cheers.

  3. setuju aku enggau groovytuai..Parenting is very important indeed..laban enti chuan manah..manah ga asil ya..Enti kitai narrow our scope ngagai perspective bala kitai dayak..iban shld i say..endang lain mentallity..ba runding sida..Education tuk kira ke least important..nyak alai pedis endar ka mansang ari segi education..enti d pejurai endang mayuh factor which lead to all these probs..

  4. Manchal? Attention Deficit Disorder ko kami di Amerika ditu! Endang bisi stail ga ngajar anak mit ti dikumbai manchal.

    Anak laki aku candidate for the ADD. Ba preschool, iya endang ngerja pengawa diri empu, enda ulih dudok baka orang bukai!

  5. Suah urang madah pengajar nyau enda tentu deka ngajar. 1.Sekeda nya amat. 2. Nembiak diatu enda ulih dibanding enggau nembiak kelia. Mayuh amat pengerindang. 3. Bisi mega apai indai endang tak neju pengawa ngelalau/ngajar anak sida ngagai bala pengajar. Siti kelas kurang lebih 35-40 iku nembiak tang apai indai bisi kini anak ngemayuh nya? 4. Pengajar di Malaysia nadai ngembuan latih khas ngajar nembiak ti nyelai ari urang bukai, nya alai penanggul baka dyslexia, hyperactive etb diteju aja laban enda nemu chara mutar.
    Runding kitai: 1.Bisi kini NGO Iban ti ulih meri parenting tips ngagai bala apai-indai? 2. Kini penunga bala tuai pemesai kitai Iban – nama utai udah digaga sida dalam ngemansang pengawa belajar baik ngagai nembiak tauka ngagai apai indai. 3. Kini penunga urang Iban ti bisi agi penatai pemisi- nama utai udah dikunsi sida enggau bala diri 4. Kini penunga bala Iban ke bisi degree – nama chara sida bekunsi penemu senentang pengawa belajar enggau bala apai indai sereta nembiak?
    Enti semua tanya tu ulih disaut enggau positif – manah. Tang pengawa tu lungat amat, enda ulih dikereja siku dua, semengat enda tau enda kering. Enti enda nadai nyadi utai. Peratika tiga tanya tu;
    1. Enti enda kitai – sapa?
    2. Enti enda diatu – kemaya?
    3. Enti enda ditu – dini?

  6. Girls have been known to always number more in certain things that count. Worrying, really. I understand 65% of the comments in Iban up there (i have to read slow in order to grasp the meaning with the phonetics). Hmm… should the education start thinking abt implementing sex quota in IPTAs entry now? that will be the day…

  7. Meri tabi ngagai bala kita ia ke komen tu. aku minta ampun dulu sebedau aku nerus ke singkang aku dalam meri komen ditu.komen terubah aku ia, semua utai tu nyadi laban pendiau, perangai enggau penyumbong bala iban empu. urang ke patut di salah ditu semua bala kita serumah. kita enda betulong meri jako ajar ngagai bala anak kita empu kelebih agi bala apai indai ke selalu nadai dirumah. enti bisi siko urang meri jako ajar agai ank kita, entu kita enggai meda, betul nda? Udahnya baka nuan empu, nuan pelajar universiti diatu anang agi bepikir pasal utai enda ulih munyi ko urang outih, “nothing impossible unless you make it impossible”. ingat ke nya. nuan tau meri jako ajar ngagai bala kita serumah, ngagai bala nembiak kita diak. nuan tau madah agai sida senentang pengawa kerajaan ke ka ngambi 20 000 nembiak ke belajar ba UiTM aja. bedau agi ba unversiti urang bukai. nuan mega tau meri cunto ngagai sida awak ka tau nyadi teladan. sida ke biak-biak asuh belajar bebendar awak tau nyadi cikgu tau ka lutor. nya aim terubah anag mikir ke besawit enggau kereja ke tasik. nyadi ngagai sida ke benung nanam anggur nya tau asuh nyadi sedadu tauka rela. askar wataniah pama meh. bisi elaun. ulih kena meli handphone enggau ngirup ninting minggu. enda ngacau urang laban bisi duit kediri empu. anang nunggu urang ngereja pengawa. kitai ngereja pengawaa ukai mint nama ukai minta duit tang keikh;asan penting.

Leave a Reply